GVG BLOG: 放棄雙炮的超低音計劃

圖/文：鐵心心
文章日期：2011年5月份

時間過得好快，如果你仲記得小弟上年家訪過一位發燒友KENNY238的話，可能還有印象他的發燒影院吧。

無印象? 唔識KENNY238?? 有冇九菜丫?

咁樣禁入黎認識下佢..............套影音先LA

所以話時間過得好快，經過咁多個月來的努力，奮鬥，KENNY佢已經好似食左脫胎換骨丹咁款，換然一"伸"(兩腳一伸)。

KENNY對影音的執著感染了我，終於令我要張KENNY咁耐以來的改變垠赤裸裸的寫到大家面前。

其實今次重點都係想分享一下KENNY佢轉左隻新SUBWOOFER，換新SUBWOOFER這個念頭KENNY想就想左好耐，
由起初想兩隻HRS-10 SUNFIRE去火拍MK MX250同SVS 12NDS，大玩四隻低音，
再其後諗過留低一隻HRS-10去再加一隻MK MX250，
到拍板決定只用一隻MK MX250，
當中經歷左好多內心鬥爭，正如好多C兄講，有大買大，有位就買多幾隻，有錢就買高一級。
KENNY兄一直都好服從這個說法，從雙中置、雙十仔(SUBWOOFER)之中都會感受到，
但唔知道到左幾時開始，KENNY"丁"的一聲想通了，打通經脈的他決定來一次大改變。

(下圖)我怕大家唔記得，先比一張往日KENNY的影音佈局給大家看看。
nEO_IMG_001.1.jpg

其實圖中的器材或是擺位，現在的KENNY已經把它們大"汁"過。
BD機方面轉左用PIONEER的05FD，因為KENNY想改善一下分析力同畫面，當然大家有印象的都記得其後05FD經小弟摩改過它的。

(下圖)PIONEER的05FD 摩改版

POWER AMP方面都是50年不變的用回MARANTZ MA500，八部後級層層疊的擺放，相信一定係作過法的。

(下圖)MARANTZ MA500

AV AMP方面其實KENNY想過換PIONEER LX83，可惜還未行動，現在用回ONKYO 886。

(下圖)ONKYO 886

再睇埋隻中置先，E......唔係雙中置架，KENNY點做野架，我印象中KENNY係雙中置的專家，這個印記深深打入左我腦海中。
但...點解丫....天丫

鐵心心：KENNY..你點解唔玩雙中置呢?
KENNY238：因為我太勁喇，用一隻夠殺la。

拿!!唔係KENNY佢自大，事實上用一隻中置真係已經夠做功課，而且比從前仲清晰立體左喎。
點解會咁呢? 我點知喎，不過我幫大家問左xx博士，佢解釋比我聽，因為細空間用雙中置會令到中置音效太突出，
結像會出現唔平衡的問題，而且移動感同音場都會影響到，最重要係前置和中置會有唔夾聲問題，用EQ都修正唔到架。

(下圖) JBL S50中置

死喇，KENNY咁叻仔，真係令我流冷汗，好!我睇埋前置現在搞成咩東東先。

一睇之後，哇，好似認錯人，SORRY係認錯喇叭丫。
點解佢縮左水? 反老還童??
明明以前用對前置肥肥白白大大隻隻，因咩原因搞成現在細細件? 仲要推埋對前置出黎曬命???
鐵心心：KENNY..E獲你又點解釋?
KENNY238：人要呼吸，喇叭都要呼吸。

我聽完滿腦問號，太高深了。人要呼吸我就知，喇叭點解要呼吸呢?
就算當佢要呼吸，洗唔洗縮埋水喎。
鐵心心：但係縮水又係咩原因，無比飯佢食?
KENNY238：當然唔係LA，聲音要有空間走動，大喇叭細空間自然係問題，冇空間走動，音場又點會做得好呢，用細喇叭再做好擺位，自自然就VERY GOOD。

哦......
哦完後其實我唔明，不過算數。

(下圖)JBL S50前置

聽左咁多說話後，係時候試下KENNY隻新SUBWOOFER，之前一對SUNFIRE HRS-10今天不見了，現在代替它的是MK MX250。
MK SUBWOOFER好勁我一早知，但點解KENNY鐘意佢呢?
鐵心心：又係MK SUBWOOFER，你貪佢咩好?
KENNY238：快，恨，勁。
鐵心心：開黎聽下LA。
KENNY238：準備好未先?

60分鐘過後.......
鐵心心：實在太刺激喇!
KENNY238：我已經就住黎開個音量。
鐵心心：點解仲勁過以前用一對SUNFIRE架?
KENNY238：MK喎，唔洗問LA瓜。

哇!! 原來KENNY已經就住我黎玩，多謝!!!
估唔到一隻MK 250係KENNY處咁鬼好揪，今次轉超低音計劃都幾成功啵。