今次主角係OPPO的93，機主KIM兄近期不停換機和喇叭後，要求越來越高，
近期又換左部新POWER AMP，不過分析力高左令本身93的缺點都一同表現左出來，
其實識KIM兄是由佢在76上受毒害後，再私底下PM我問影音問題開始，
終於KIM兄今次忍唔住要搞靚部93佢，哈!
未搞基之前緊係聽下部oppo93係咩料子，
一如所料是中低頻比較豐厚而低頻有埋身的感覺，
出樂器個質感都幾好，但高音有點粗同伸展不夠，
樂器分隔度一般，音場比較平面，分析力一般但齒音就幾出，細微弱音就唔多夠，可能原廠調出少少齒音聽落高音冇咁暗。
我覺得合適聽人聲小品。
打開機箱，感覺都幾薄，佈局比OPPO-83精簡左，
因為空間唔多，要諗諗點搞。
什麼機的好聲之源都是由電開始，
而供電部份都有很大影響的，
我覺得供電部份盡可以就拿多一點分析力和細節，
到D/A部份先修飾同音染佢。
初步準左好一部份的料，
有JENSEN純銀線、PHILIPS BC 高壓電容、
古河藍FUSE、古河鍍金IEC、思碧電容、EPCOS電容。
PHILIPS BC ，因為機箱空間不足，用唔到JENSEN，而且太JENSEN太高分析力，
可能KIM兄唔喜歡，用回BC其實都幾平均，不錯的拿來做電。
其中一款的思碧電容，低頻豐厚，但通透，
大力但質感高，一流。
上圖是原裝電源板，會集中改佢。
而其實思碧電容就一定會用佢，
而錫鍚方面我用MCAP、KESTER。
兩種都係質感強中低頻厚的錫。
唔洗一會我就換左一粒PHILIPS BC同三粒思碧電容比佢
 再改多兩粒PANASONIC FC 電容入去， 現在係時候第一階層試機^^" |
經試聽後.....
我覺得現在就咁比返KIM兄佢都會收貨
分析力、音場、層次提升左，
但最抵死個中低真係好靚，有力結實有質有層次......
我估現在應該有95聽CD咁上下效果
 再來就出動古河FUSE，今次用藍精靈， 平均而好分析力。  加個FUSE座上去，方便日後換其他FUSE。  再來換古河鍍金IEC，再用JENSEN純銀線上去， 分析力同質感一定更上一層數。  哇!好易就搞掂，加埋銅紙上去，靚仔晒。 |
 時間過得好快，我又搞到DAC板度了， 因為前一次試音個音場我認為幾埋身下， 可能睇戲會爽，但聽歌點可能咁款呢。  我都係用左4粒美國思碧電容， 再係輸出度用2粒RIFA， RIFA有可以改善數碼聲的膽味， 貴豐既機就好鐘意用佢， 有人說思碧夾RIFA"力發"就天下無敵， 等我試下先。  |
最後加埋music cap上去就完美了，提升音場深度同音樂感，
如果本身聲音有一點硬同緊，用佢就一流了。
-全文完-
沒有留言:
張貼留言