[影音][用家報告] 從 Sony PS3 轉 Pioneer 05FD藍光機

轉至76.COM的mankoo版主
個人一些初步對換05fd後嘅感覺~
今晚10點先開箱，只係睇咗一隻演唱會同少少iron man片段，
我本身一直都用ps3睇blu-ray，其實換機後嘅感覺同我預期中都差不多，
畫面轉用05fd初初睇並唔會有飛升嘅感覺(相信係因為bd本身就好靚，用ps3播亦唔差)
咁...有無進步呀大佬？
當然有喇.....

初步睇到嗰種係細緻嘅品質提升，比較易分別出嘅係：
1) 畫面的確干淨咗，控制雜訊嘅能力非ps3可比
2) 顏色實咗靚咗，顯示黑色靚咗(呢點極重要)，令立體感重咗
3) 畫面好穩而定有力，整體有清咗啲嘅感覺
4) 顯示物料物質嘅分析力强咗，由其顯示衣服質地，皮膚，頭髮，物件干同濕嘅分別等較明顯

一吓子就有嘅飛升感覺分別係來自聲效！
之前用ps3內置解hdma,truehd都有靚嘅感覺(新世代高清音效)
一轉位元流交番比amp解碼... 同之前根本就兩回事，
試容祖兒演唱會，開揚無比，好好聽，你會輕易便聽得出唱得靚同少少錯位嘅唔同，
力量好大，但聲音自然又清楚，環繞感覺令你更投入，確係更加有溶入現場嘅feel，

試iron仲大件事，不論人聲對白，環繞聲，低頻，混亂中嘅細碎聲，音樂聲等，
都令我有種對套戲默生嘅感覺(其實套戲我只係睇咗唔夠十日)，換機後分別竟如此大....

初步對新位元流聲效有一種感覺：好清好靚，音量大咗，
可能之前ps3解碼因聲效力同量嘅感覺較弱，要調大一些音量才效有feel,
換咗機後不論質量與力量都增强很多，音量就算調細一些也不會太影响表現吧！

今晚只是初試05fd，希望之後作些調較後會再有更多個人意見同大家分享~