打開機箱，我今次目標係粒FUSE同果支濾波電容，但FUSE是焊死在底板上，
需要焊甩出來，而且需再加一個FUSE座，其後才可以更換其他FUSE。
甩左粒FUSE出黎一睇，寫的是T4A 250V，T表示是慢燒，一般慢燒FUSE好聲D，
而慢燒FUSE通常用係後級等大電流器材，碟機電流低通常會用快燒，
不過如果佢本身用慢燒，當然死跟啦。
而4A代表FUSE電流上限為4A電，過了4A會燒保險絲，作用是保護器材，
而如果原裝設計是4A，當然又是跟回它比較安全啦。
而250V是電壓。
而電容我只是試下換左最大果粒，試下聲底後再換埋其他，
這粒標明是400V 180fu，當然如果要更換更高級更hifi用的電容，
數值上是要跟回原裝格式的。
搞掂，出去買野玩。
我自己想厚聲一點，原因是pioneer 05FD本身是分析力行先，比較薄，
而聽說古河藍色FUSE比較厚聲(比HIFI TUNING厚)，所以我選擇左佢。
銠白金FUSE一試無防。
但可惜電容就搵唔到同數值的了......
所以我焊返上去，遲D再搵先再換了
加了FUSE座，下次換FUSE就好方便喇。
搞掂!!! 又比我著到機喎，手術成功
現在煲緊機，今晚先試一下有什麼改變。
===============================================================
===============================================================
小小REPORT：
我煲左一日，係時候試一下享受一下。哈哈
簡單拎了幾隻CD同BD試一下05FD BDP換左FUSE的效果。
我拎左隻"金池"黎聽，我鐘意佢把女聲，有感情，喉底聲好吸引，而且比較暖厚，加上真樂器的配合，佢係我人聲至愛CD
而一TEST之下，感覺好像沒有分別，但細聽一下分隔度同音場深度是提升了一點，結像力穩定了，聲線比之前厚了少許。
可能本身接線已是純銀，不可以想像有幾大幾明顯的提升。
再來試試誇張一點的音場定位同樂器感，我PLAY了一隻LP45的AV SHOW2010，
我選定了第11首的JOHANN STRAUSS JR......，我欣賞這首曲的提琴樂器，
大提琴的低頻同節奏之輕快有力，動態的快速，低頻的力和密感都很正，
而在中段的突然5個方位人聲叫喊的出現，充分考驗定位力同離箱感，對音場同分析力也同樣要求高。
我細心聽後，音場的確比之前深了一點，中低頻飽滿度好了，其他方面分別不大。
再來robbie williams BD，這次用它試畫面，因為真係好鬼立體這套BD，色彩、對比、層次感、黑位、乾淨度都非常之正。
我選了CHAPTER-14，一開波已經覺得好鬼死靚.....不過平日都係咁鬼靚架啦，好吧我留心再睇睇，
明顯地在一些多人出現的鏡頭，黑位同立體感也比之前高了，影像更穩定，色彩好像密度提升了一點，
感覺好像換了一條靚HDMI咁樣
再試鐵甲奇俠2，係人都知佢D低頻勁到阿媽都唔認得，我就是想試試低頻有沒有分別，
我都是試最尾一段，在假園林一段內，炮擊和機關槍掃射的場面，超級勁，
不過一向都係咁勁，所以聽唔出有什麼分別....
可能本身接線已用純銀，所以改善唔叫明顯，但影像方面就比較易留意到的。
沒有留言:
張貼留言