2008年12月2日 星期二

COD5 打喪屍心得及攻略

轉至uwants kkggkkgg 會員


我有d心得同大家share及研究下。


可能大家有唔同或更好嘅心得和攻略,希望大家都post大家嘅心得和攻略上黎(最好post 埋你打到round (level) 幾),使香港隊同中國人多d资料,幫手打高D Level (Round)破世界紀錄,唔洗鑊鑊俾d老外霸曬d頭位。 。


有興趣一齊打喪屍可留下PSN大家互add friend,最好有mic,有mic大家條命都會長d




在地下大廳:開頭未入Help房: 打喪C唔好打頭,因為一槍殺咗佢會d分小d,要射身不射頭,每射中喪C一下都有分。用輕機狂射喪C個身會多d分,咁可以射多幾下,最後一槍先爆頭K佢。喪C入屋後,可以射斷喪C對腳慢慢殺佢,修理窗口木板又有分,所以可以特登讓喪C打爛幾塊木板先至K喪C,再修理木板賺多d分。一開始在牆上取槍處按"囗"制取步槍。儲夠600分可到另一個牆上取槍處買自動步槍(建議唔好買因為要600分,不如儲多350分用950分去買槍箱搏下抽枝勁槍重好)。頭幾Rounds喪屍唔係咁快同咁多,所以可用刀仔鎅喪屍賺多D分。儲夠1950分(1000分開門+950分抽槍)可以打開HELP房門入去買槍箱開始抽槍,越高分抽就抽到勁槍(雷射槍/追擊槍/重機)機會會更大(低分就唔好去抽住,儲多d分先抽,通常一抽即中勁槍!)。如果4人玩,高分隊友要讓低分隊友射多d喪c賺分。最好武器裝備組合每人一枝雷射槍加枝追擊槍或重機(要快個隻)。有喪屍入咗屋就必須大叫通知大家小心。


建議在大廳通上一樓嘅樓梯不應打通,如果打通咗在一樓好難設防死守

在HELP房:4人耍分要分工,如果有隊友抽到雷射槍,一個有雷射槍嘅隊友主力守住後面1及2号兩個窗及爛牆。其餘3個隊友守住大門同輪流去抽槍,如果有人在抽槍,喪C由大門入來會即湧去抽槍嗰個人嗰度,所以抽槍時要小心後面!!近上一樓梯囗有條柱,揸追擊槍個隊友可在柱旁(A位)瞄住外面”大廳”,追擊槍可一槍串燒幾隻喪C ,所找一個角度可射出大廳射到最遠距離,最好瞄到大廳近3号窗。另一隊友守喺追擊手左手邊瞄大門做cover,其餘一人自由補位,等其它隊員去抽槍。守門囗嗰幾個隊友要合拍,喪C唔係咁多時就要輪流開槍,唔好一齊亂開槍浪費子彈。就黎要reload嘅隊友要通知其它隊員steady-by cover/補位。打到十幾level時或頂唔順就要上樓上設防死守。通常新手打到15 Rounds(level)以後在HELP房已守唔住。



在一樓(1st Floor):4人去到樓上另一條樓梯旁的死角位,有一個軍火袋可用錢買手榴彈。4人盡量貼近軍火袋,(1及2号隊員)兩個揸鐳射槍隊友企起身最貼近軍火袋保護前排(3及4号隊員)兩個蹲下嘅隊友,右手邊後排個2号隊友瞄住正門及不停向正門方向抛手榴彈,要抛一些遠、一些近cover整條喪C湧過來嘅路及整個場(要預計爆嘅時間及先後)。企左手邊後排個1号隊友瞄住右手邊1号窗,亦可抛手榴彈。其餘兩個隊友揸追擊槍及重機蹲前排在企响度個兩個隊友前中央守住大門(必要時亦可拋手榴彈幫手),如果後排用晒手榴彈要去買,前排補位抛住先。

注意:

1) 前排不要企起身擋住後排視線,否則後排開不到槍。

2)在一樓設防死守:後排兩人應留空中間通道,以便前排後退買軍火。隊員要合拍,輪流換位,輪流善用各隊員手上子彈及分數。

3)當有隊員要reload或買軍火時要預早通知其餘隊員要幫手補位。(各隊員一定要有mic)

4)不要一隻喪屍4條友一齊射,亂晒子彈(盡量節省子彈)。

5)有隊員要急救時,4人要同時轉用鐳射槍互相保護。

6)4人不要亂走散及企得太近門囗。

7)其實有時救唔到就唔好免强去救,在不安全情况下去救人好易救唔到會連自已都死埋,如果為救人自已都死埋隊員會又小了一人,餘下生存的隊友更難打下去,可能導至全軍覆末Game Over!如果真是難救就應唔救,應連同其餘生存的隊友死守一角繼續殺屍,捱過這一round後隊友便會復活。

8)記得打之前去柯屎柯尿。打喪屍一次就要打好長好長時間,中途唔停得,我有次玩到急尿都唔去得廁所!


可在一樓向屋外/地下射喪C,如果你真係好幸運有空閒時間。hahaha
祝大家長命百歲 Kevin - PS3 PSN:agk1987

沒有留言: