[影音] 小投資大回報

十二蚊做到D咩? 食早餐?搭的士?睇場戲? 我諗以上都做唔到，所以我把十二蚊投資落E幾件海棉度，希望海棉比到我有百二蚊的回報啦! 我拆開一看，原來係一開十，每件都係個半銀錢，我有諗過用黎清潔污辱的廚房同汙濕漉漉的廁所，但最後我 的一下想通了。 原來用黎拓起電源線都OK架喎，事關你知D電源線牛根咁粗，鐵鍊咁重，常常會軟左下來同部機出現接觸不良。 點知我用左E個小方法，電源線同機身的接觸位就可以緊緊相扣，而且也可減少了電源線的諧震。 但咁樣又點喎? 會靚聲D咩? 而我試了感覺心理上已經靚聲左D (要贏人先要贏自己) 不過為左靚聲，我又要再打多條強心針去增強一下心理 話說後樓梯有位阿姐，神神秘秘似拍緊戲，我E為有野睇，點知原來掉垃圾，一問之下阿姐話有件棉座墊唔要， 咁我好奇之下望一望，個款又幾"in"下，咁我同阿姐講：e家全世界都講環保，你知唔知岩岩你差d做左件錯事，仲唔張件野送黎我屋企! 不過講真件野又幾垃圾，冇咩用咁，而且又大件，真係冇位放佢，我就求鬼其放左係TV面前，之後PLAY下CD輕鬆下， 不過我一聽之後，我對金耳朵話我知(冇錯!我都有一對金耳朵)，話我知音質出現奇異改變，從金耳朵上我分析到人聲實左、厚左、結像集中左，不過就比原來空氣感差左、中高音質感弱左。 我諗左好耐.......好耐..........好耐........耐........ 唔用好過用，拎返出去比返個阿姐，我同佢講:你件野都唔夾我套機，送比我都唔要啦