玩左750一段時間，覺得本身效果很好，不過都有佢缺點，因為係小弟系統組合上，它都是比較注重分析力的表現，中頻和低頻此終是單薄了一點，雖然已經用了線材同其他方法
改善，但為了追求更平衡的高中低，我決定改一改調一調750的聲底，這樣改一改的改變是比換前面器材的線等等更明顯，但也需要耐心聽一聽，因為有改變不等如有改善，事前要知道自己想要什麼，事後聽聽它是否做到自己滿意的要求。
首先我拎前置黎改，改好後覺得岩聽先再改中置。
其實之前都拆過它來看一看，已預算左要用的接線。而當然今次part one第一步我會改左接線先，因為不要睇少這少少接線，它對聲音影響很明顯，是系統中的最後一道防線，任你之前用左什麼好線材，好器材，它們最後通通會經 過喇叭內容的接線再入分音器再到單元，可能你會問搞咁多野不如升級換新喇叭，但我覺得新喇叭回來都要調聲去配合自己系統，例如你系統冇高音，換新喇叭都是 沒有高音，就算換高分析力的喇叭後也有機會少了低音或中音，所以到最尾都要調聲去平衡，所以不如大刀一揮改左隻喇叭去夾自己的要求，平衡三頻的分佈或取悅 自己口味取向。
好易就打開左喇叭插座，這時需要焊甩接線。
甩左，好易搞。
到單元的接線了。取出單元後會看到分音器的。
分音器上的零件只是一般貨式，但我想還是一步一步更換，會不易迷失。
取出分音器，焊甩接線。
事前準備左tara lab 8N銅接線。
[tara lab 8N銅導電量最高的RSC 8N GEN 2雷射打磨「和諧合金方蕊銅」導體，線蕊表面平滑無匹，對高頻及超高頻訊號傳輸最順暢，並以「真空玻璃球體聚乙烯」電介質所製成，接線高頻平滑細緻，延伸自然，RUN IN至少50小時上聲音才會進入狀況，成熟期約200小時。
要讓高音延伸細緻、氾音堂音自然增加。]
小心焊上。
大功告成，立即開名聲試一試先，心情比換新機更興奮CC
小REPORT：
摩左對前置接線後，
之後聽左好耐a/b test，
聽左好耐整體冇出現問題,冇少左野同出怪聲，
但問題只係好聽左，
佢一開聲我就覺得唔同左個低頻，
又潛又實又勁
估唔到750出到咁既低頻,都叫人安慰。聽樂器真實左,有質感左，
人聲厚左同密度高左，
聽管弦樂個氣勢同動態好正，
而高頻好似冇什麼分別，只係中低改變左，不過我本身就係要中低去改善m&k個薄，e家厚又keep到分析力，但感覺音場冇之前咁深同離箱，應該要再去run in 50小時先。
玩a/b test去試摩左同冇摩的分別,明顯未摩的是比較墟同薄,低頻也薄。
而摩左的750出結他聲會有彈性的尾音，樂器實在又有質量左。
taralab 8N果然好厚聲
用喇叭內接線調音果然好明顯
RUN IN後
前置RUN左30個鐘，E家聽CD真係好正，
D高音有力又鬆帶飄散，有tara lab風味，
分析力比之前剛開聲好左，音場前後感都提升左D
PART ONE 完。
沒有留言:
張貼留言