之前改用左粒JENSEN(戰神)
效果都幾正面吸引
今次再想再調一調
希望加強密度質感
再強化音樂性
今次用左4粒BG黑金剛、2粒美國CDE、2粒日本ELNA
睇睇下圖是我未改前的佈局
因之前已大玩屏閉
音場、分隔度、弱音等等都明顯提升
未改CAP前，原裝所用的是日本RUBYCON TZ
都唔算太差。
終於換左新CAP上去
開機先，又比我著到機喎
經過幾日的run in同細心聆聽後
雖然中/中低/低的頻段明顯強左有質感後
但就令聲音力度太強，人聲有點死實實
在聽歌方面因為不可用eq修正
因此我也改變了調音的方法
而且我把一對RCA線拆開
甩掉原本的焊鍚後，再換上Siltech的頂級焊鍚
聽CD的效果明顯通透了但不失密度質感
但是還不到我要求的平衡點
最後決定拆開05FD
再甩掉一些原裝零件
再重新用Siltech的焊鍚焊接
終於達到我要求的平衡點了
就是"分析力/空氣感/質感/密度"
最後在睇戲方面再重新SET了一個新EQ
新EQ的修正事實上已經比舊有的少了很多
也是自己預期的要求，用天然方法調出自己要求的聲音
現在ON EQ同OFF EQ分別很少，主要係後置分別比較大
而EQ不是萬能，用天然方法調出的才是最好效果
舊EQ
新EQ
最後換返條擺埋左好耐既電源線比BD機先，
一插就發覺之前條線係一條垃圾......
個音場明顯現在深左同闊左，
分析力同空間感好掂，
之前因為唔夠中低頻同密度，
所以冇再用佢加強空間感同分析力，
現在就因為好夠中低頻同密度，
反而要用返佢黎調音，
明顯線材係講夾同配。
中置喇叭線方面，由敏力線改返用回前置所用的喇叭線，
加強返分析力同空間感，
以前為左人聲厚一點改用敏力，
現在就要分析力同空間感。哈哈
BD機的釘方面，改返用石墨墊在底部的擺法，
修飾一下高頻的順耳感。
再重新改一改EQ去夾返上面的調整。
感覺：
分析力/空間感/分離感強左好多，
之前因為唔夠中低頻，所以高頻分析力唔敢比太多，
現在就可以谷盡佢都唔怕，
整體分析力/空間感比未摩這次CAP之前強左30%
沒有留言:
張貼留言